NICE ACADEMY , NGJARJA E PARË NDËRKOMBËTARE DEDIKUAR ORIENTIMIT NË KARRIERË NË KOSOVË E ORGANIZUAR NGA KOLEGJI UNIVERSUM

Kemi nderin të njoftojmë se NICE Academy 2022, do të mbahet në Prishtinë, Kosovë.

Fondacioni i Rrjetit për Inovacion në Udhëzimin dhe Këshillimin e Karrierës në Evropë (NICE Foundation) u krijua në vitin 2017 për të promovuar trajnimin akademik dhe profesionalizmin në drejtimin dhe këshillimin në karrierë në të gjithë Evropën. Për këtë qëllim, Akademia NICE mbahet çdo vit në një vend të ndryshëm të Evropës, ku specialistët e karrierës mund të shkëmbejnë praktika të mira, të njohin njerëz të rinj dhe të mësojnë nga njëri-tjetri.

Në vitin 2022, ne jemi krenarë të mbajmë ngjarjen e parë ndërkombëtare kushtuar orientimit në karrierë në Kosovë, të organizuar nga Kolegji Universum. Fokusi do të jetë në kompetencat e thella njerëzore si ndjeshmëria dhe se si ato kontribuojnë në zhvillimin e karrierës dhe mbështetjen e karrierës profesionale.